Zille kap Shiceka
2009-11-29 14:59
Johannesburg – Die DA-leier, Helen Zille, het Sondag die minister van koöperatiewe regering en tradisionele sake, Sicelo Shiceka, daarvan beskuldig dat hy munisipaliteite wat sukkel afskeep.
Zille het inwoners van Shayamoya in die Kokstad-munisipaliteit in KwaZulu-Natal toegespreek en gesê Shiceka teiken eerder munisipaliteite wat werk en dat sy eerder op Kokstad moet fokus en nie op Kaapstad, waar haar party regeer, nie.
“Dit ten spyte daarvan dat die Stad eerste in die land gelys is vir dienslewering.
“[Sy] obsessie met Kaapstad het niks te make met die toestande op grondvlak nie, maar alles daarmee om sy politieke opponente te probeer swartsmeer. Dit is hoekom sy prioriteite verkeerd is,” het sy gesê.
Shayamoya het al lank watertoevoer- en sanitasieprobleme.
Volgens Zille is dienslewering in die gebied agter omdat 90 persent van amptenare nie op meriete aangestel is nie, maar eerder as gevolg van hul konneksies met die ANC.
“Dit verduidelik hoekom julle in hierdie situasie is. Tensy die regte mense in die regte posisies aangestel word, gaan dienslewering nie gebeur nie.”
- Sapa