'Zille is jaloers op Zuma'
2012-12-19 10:54
Video - Zuma wéér ANC-leier
Pres. Jacob Zuma het afgevaardigdes toegespreek kort nadat hy herverkies is as die leier van die regerende party.
KYK
Kaapstad – Die ANC-woordvoerder, Jackson Mthembu, het die opposisie-leier, Helen Zille, daarvan beskuldig dat sy jaloers is op pres. Jacob Zuma se herverkiesing as leier van die regerende party.
"Aanmerkings wat deur Zille gemaak is oor die herverkiesing van kameraad president Jacob Zuma is niks anders as politieke jaloesie nie, wat geïnspireer is deur haar kwaadwillige desperaatheid om dieselfde ondersteuning te ontvang as wat die ANC in die land geniet," het Mthembu Dinsdag gesê.
"Die aard van die aanmerkings...ontbloot Zille se persoonlike haat van die ANC en is 'n lomp poging om aan die media aandag, wat die kongres ontvang het, te klou."
Zille het vroeër gesê dat die uitslae van die ANC se verkiesingskongres in Mangaung, die "verbrokkeling" en ineenstorting van die regerende party sal versnel.
Volg Nuus24 op Twitter.
- SAPA
