Ysige greep bly tot naweek
2009-08-18 13:52
Johannesburg - Nog ‘n ysige koue front is besig om sy pad deur Suid-Afrika te maak, wat weer sneeu en reën vir dele van die Noord- en Wes-Kaap beteken, het die Suid Afrikaanse Weer Dienste Dinsdag gesê.
Weervoorspeller Puseletso Mofokeng het gesê ‘n koue front is besig om die westelike helfte van die land binne te dring, met gepaardgaande swaar reëns langs die Suidwestelike kus van die Kaap.
Dinsdag word baie koue toestande in die westelike dele van die Wes-Kaap verwag, sowel as erge toestande in die suid-westelike gedeeltes van die Noord-Kaap.
Hierdie toestande sal die aand vererger, met ‘n moontlikheid van sneeu Woensdagoggend.
Daar word verwag dat die kouefront teen Woensdag binneland toe sal beweeg, waar baie koue toestande verwag kan word.
Dertig persent kans van reën word in Gauteng en die Noordwestelike provinsies verwag.
Stormsterk winde word Dinsdag en Woensdag in Kwazulu Natal verwag.
Teen Donderdag behoort die ergste verby te wees, maar temperature bly laag tot die naweek toe. Vrydag se temperature behoort effens beter te wees, en teen Saterdag en Sondag sal toestande hopelik weer na normaal terugkeer.
- Sapa