Wouter Basson-verhoor duur voort

2012-01-26 11:02

Kaapstad – Die dissiplinêre verhoor van die kardioloog dr. Wouter Basson by die raad op gesondheidsberoepe in Pretoria gaan Donderdag voort.

Die aanklagte hou verband met sy professionele optrede toe hy die hoof was van die vorige regering se chemiese en biologiese oorlogsvoeringprogram.

RSG berig die raad het twee dae opsy gesit vir die tugverhoor.

Basson betwis die vier aanklagte van onprofessionele gedrag teen hom.

Die medikus was betrokke by Project Coast – die weermag se destydse projek vir chemiese en biologiese oorlogvoering.

Dié projek was na bewering gemik op die vervaardiging van traangas en verskeie chemiese middels wat ingespan is vir skarebeheer en vir gebruik teen die regering se vyande in die Grensoorlog in die tagtigerjare.

Volg Nuus24 op Twitter