Woordvoerder geskors oor Vaseline-tweet

2012-11-08 07:16

Johannesburg – Kol. McIntosh Polela, woordvoerder van die Valke, is vandeesweek geskors oor 'n tweet oor tronkverkragting, het Beeld berig.

Polela wou nie kommentaar lewer nie, maar hy het op Twitter gesê hy is met studieverlof om Frans te bestudeer en aan sy doktorsgraad te werk.

Nadat die kwaito-sanger Jub Jub Maarohanye verlede maand op vier aanklagte van moord skuldig bevind is, het Polela getweet: “Ek vertrou Jub Jub se ondersteuners het vir hom ’n pot Vaseline gegee om saam met hom tronk toe te neem.”

Polela het later om verskoning gevra en erken dat die tweet in swak smaak was.

Brig. Phuti Setati, nasionale polisiewoordvoerder, het gesê Polela is ingevolge die polisie se kommunikasieregulasies geskors.

“Die polisie kan nie meer inligting oor die saak bekend maak nie omdat dit bloot intern is.”

– Volg Nuus24 op Twitter