'Wonderwerk' dat man sjimpansee-aanval oorleef het

2012-07-06 22:48

Johannesburg – Die Amerikaanse navorser wat deur twee manlike sjimpansees aangeval is by die Chimp Eden-rehabilitasiesentrum in Mpumalanga herstel goed, het sy ouers Vrydag gesê.

“Ons wil aan almal sê Andrew [Oberle] sterk goed aan ná sy nagmerrie, alhoewel hy in ‘n kritieke, maar stabiele toestand is,” het Mary Flint en Andrew Oberle gesê.

Oberle, ‘n 26-jarige nagraadse student in antropologie en primatologie by die Universiteit van Texas in San Antonio, het glo op 28 Junie deur ‘n heining geklim wat om die sjimpansees se kamp gespan is.

Die diere het kwaad geword en het hom onder ‘n tweede heining, wat geëlektrifiseer was,  ingetrek.

Sy ouers het hul dank uitgespreek aan diegene wat goeie wense aan Oberle gestuur het, sowel as aan die mediese werkers wat hom behandel.

“Dit is werklik ‘n wonderwerk dat hy hierdie gruwelike aanval oorleef het.”

Maandag is berig die sjimpansees sal nie uitgesit word nie.

– Volg Nuus24 op Twitter
 

- SAPA