Wittebrood-moord: Verdagtes positief geïdentifiseer
2010-11-27 16:25
Kaapstad - Twee ooggetuies het die drie verdagtes betrokke by die moord van die Britse toeris, Anni Dewani (28), tydens 'n uitkenningsparade positief geïdentifiseer.
Anni is in Gugulethu vermoor nadat die motor waarin sy en haar man, Shrien (31), gery het, gekaap is. Hulle was slegs twee weke getroud.
Billy Gundelfinger, Shrien se prokureur, het gesê mediaberigte oor die moord op Anni is besig om buite beheer te raak.
Die polisie wou egter nie bewerings bevestig dat Shrien die uitkenningsparade Saterdag bygewoon het nie en het gesê geen inligting rakende die polisieondersoek sal meer bekendgemaak word nie.
Gundelfinger het berigte ontken dat sy kliënt terug in Suid-Afrika is.
Volgens hom is daar baie inligting wat die ronde doen wat nie die waarheid is nie.
- Volg Nuus24 op Twitter.