'Whoonga'-dwelmskok in SA se vigsstryd
2010-11-21 04:41
Johannesburg - Vigspasiënte in Suid-Afrika word van hul medikasie beroof en die medikasie word dan met dagga gemeng en gerook, sê die owerhede en gesondheidskenners.
Dié mengsel staan as “whoonga” – eerder ‘n uitroep as ‘n woord – bekend, en dien as ‘n bisarre wending in die viggstryd in die land wat meer as enige ander land ter wêreld deur Vigs geraak word, nes die land gereedmaak om op groot skaal medikasie te versprei.
Whoonga word op die oomblik net in die ooste van Kwazulu-Natal, die land se provinsie wat die ergste deur Vigs geraak word, gevind, maar Vigs- en verslawingkenners vrees dat dit kan versprei.
Daar is geen bewyse dat enige bestanddeel van die Vigs-medikasiemengsel verslawend is of enigsins die effekte van dagga kan verhoog nie. Whoonga-rokers flous hulself moontlik om te dink die Vigsmedikasie induseer die effekte, terwyl dit eintlik ‘n ander bestanddeel is, sê dr. Njabulo Mabaso, ‘n Vigskenner.
Vigs is reeds die bron van skadelike mites in Suid-Afrika – onder meer dat die siekte voorkom kan word deur met ‘n maagd te slaap of om ná seks met ‘n HIV-positiewe maat te stort.
Sommige dwelmhandelaars word daarvan verdink dat hulle die whoonga-mensel met seeppoeier en selfs rotgif meng om hul winste te verhoog.
- Volg Nuus24 op Twitter
- Sapa - AP