Wes-Kaap steun Motlanthe

2012-12-06 08:02

Kaapstad – Adj.pres. Kgalema Motlanthe is benoem as die ANC in die Wes-Kaap se kandidaat as president van die regerende party, het Songezo Mjongile, provinsiale sekretaris, Donderdag gesê.

Motlanthe het 99 stemme teenoor pres. Jacob Zuma se 90 stemme ontvang.

Fikile Mbalula, minister van sport, is benoem vir die posisie van sekretaris-generaal, met 96 afgevaardigdes wat hom ondersteun teen die huidige sekretaris-generaal, Gwede Mantashe, se 85 stemme.

Afgevaardigdes moes weer stem nadat benoemdes vir die posisies van adjunkpresident, adjunksekretaris, voorsitter en tesourier-generaal nie 'n duidelike meerderheid kon kry nie.

– Volg Nuus24 op Twitter

- SAPA