Wes-Kaap staar ramp in gesig
2009-11-05 01:01
Kaapstad - Indien die droogte in die Eden Distrik nie binnekort lig nie, staar die Wes-Kaap sy eerste volskaalse ramp in die gesig.
Anton Bredell, die plaaslike LUR het voorgestel dat die Eden Distrik tot ‘n rampgebied verklaar mword.
“Ons is op die drumpel van ‘n ramp,” het Bredell gesê.
“Indien die situasie aanhou versleg, sal dit die eerste volskaalse ramp wees wat die Wes-Kaap tref.”
“Die vooruitsig is dat dit warmer, eerder as natter, gaan word.”
“As ‘n kabinet sal ons aan die Nasionale Instituut vir Rampbeheer voorstel dat die area tot ‘n rampgebied verklaar word.”
Die Nasionale Instituut vir Rampbeheer sal dit dan aan die Nasionale Vergadering voorstel.
“Die rede hiervoor is sodat ons betyds kan ingryp,” het Bredell gesê.
“Ons kan nie toelaat dat George, Knysna en Mosselbaai sonder water sit nie.”
“Op hierdie stadium is ons veral bekommerd oor George.”
“As die gebied tot ‘n rampbebied verklaar word, sal ons sekere voorskrifte kan vermy en toegang kry tot regeringsfondse.”
Tot dusver het die provinsie R53 miljoen van die regering ontvang om die droogte te veg.
- Sapa