Werkers, sekuriteitswagte beseer in ontploffing
2012-02-02 11:55
Johannesburg – Werkers en sekuriteitswagte is beseer in ‘n ontploffing by die Festival-winkelsentrum in Kempton Park Donderdag, het die Ekurhuleni-nooddienste gesê.
Altesaam 13 mense is in die ontploffing beseer.
“Tien mense het ligte beserings opgedoen, terwyl drie ander met ernstige beserings na ‘n nabygeleë hospitaal geneem is,” het woordvoerder William Ntladi gesê.
“Geen klante is beseer nie en die polisie is steeds op die toneel.”
Die ontploffing het in een van die agterkamers naby die kombuis van die Mugg & Bean-restaurant plaasgevind.
“Dit wil voorkom of dit ‘n gasontploffing was, maar ons ondersoek nog die presiese oorsaak.”
– Kyk hier na foto's.
– Volg Nuus24 op Twitter
- SAPA