Werker byna lewend begrawe
2010-09-03 18:25
Kaapstad – ‘n Wes-Kaapse bouwerker is Vrydag ernstig beseer toe die sloot waarin hy gewerk het, inmekaargeval en hom byna lewend begrawe het.
Volgens André Visser, ER24-woordvoerder, het die voorval by die Delf-hospitaal op die Kaapse Vlakte plaasgevind.
Die werker het ‘n sloot gegrawe waarin pype gelê moes word toe die vloer van die sloot skielik ingeval het en die man tot bo sy skouers onder grond begrawe is.
Nooddienswerkers het sowat ‘n uur gesukkel om die man uit die sloot te red.
Na bewering is die slagoffer na die hospitaal geneem vir verdere mediese behandeling.
Volg Nuus24 op Twitter.
- SAPA