Wendy Machanik-saak uitgestel
2011-07-21 16:22
Johannesburg – Die eiendomsbaas Wendy Machanik en haar voormalige hoof-finansiële beampte Bruce Bernstein se verhoor is weer uitgestel nadat die verdediging aangedui het dat hy adv. Menzi Simelane, nasionale direkteur van openbare vervolging (NDOV), gaan vra dat alle aanklagte teruggetrek word.
Die saak is tot 5 Oktober uitgestel.
Machanik se regsverteenwoordiger het gevra dat die saak uitgestel word omdat hy beplan om teen die beslissing van die adjunkdirekteur van openbare vervolging om nié die aanklagte terug te trek nie, te appelleer.
Cyril Ziman, Machanik en Bernstein se regsverteenwoordiger, het gesê hulle kan dalk hul dokument van 600 bladsye langer maak in hul aansoek aan Simelane.
Machanik, Bernstein en Wendy Machanik Properties staan tereg op 119 aanklagte. Die hoofaanklag hou verband met die sameswering om bedrog van R28 miljoen te pleeg.
WMP, Bernstein en Machanik word daarvan beskuldig dat hulle trustgeld misbruik het. Daar word beweer dat Machanik se agentskap glo kliënte se geld gebruik het om kop bo water te hou en Machanik se aankope te finansier.
– Lees meer hier
– Volg Nuus24 op Twitter
- SAPA