Wees eerlik met Jan Taks – Gordhan
2012-07-02 13:17
Pretoria – Suid-Afrikaners is aangemoedig om eerlik te wees met die Suid-Afrikaanse Inkomstediens (SAID) tydens die 2012 belastingseisoen.
Pravin Gordhan, minister van finansies, het Maandag aan joernaliste in Pretoria gesê daar sal gevolge, insluitend regsprosesse en boetes, wees vir diegene wat nie hul belastingverpligtinge nakom nie.
"Vir die regering om dienste te lewer en vir arm mense om voordeel te trek uit die belasting wat deur Suid-Afrikaners betaal word, probeer ons om waardes in ons samelewings te genereer, die regte soort waardes wat sê dat ons eerlik moet wees deur te verklaar wat ons verdien.
Die belastingseisoen is die periode waarin individue en trusts hul inkomstebelasting vir die jaar moet indien. Vanjaar se seisoen het op 1 Julie begin.
"Daar is 'n aansienlike getal mense wat nie eerlik verklaar wat hulle verdien nie," het Gordhan gesê.
Oupa Magashula, kommissaris van die SAID, het Maandag die verskeie metodes bekendgemaak om die belastingseisoen vanjaar makliker te maak.
"Daar is 'n e-Filing-stelsel vir tablet-rekenaars, iPads en slimfone. Ons het ook 'n mobi-webwerf vir ons selfoongebruikers ontwikkel."
Teen 23:00 Sondagaand het 18 031 belastingbetalers reeds hul opgawes elektronies deur die e-Filing-stelsel gedoen.
– Volg Nuus24 op Twitter.
- SAPA
