Watertoevoer in PTA herstel

2012-06-28 07:31

Pretoria – Watertoevoer na huis­houdings in Sinoville, Annlin, Dorandia, Pretoria-Noord, Wonderboom en gebiede langs die R101 tot by Rooiwal is Woensdagaand herstel, het die stad gesê.

"Die water is omstreeks 15:00 aangeskakel. Dit is later as wat aanvanklik verwag is omdat die posisie van die pypleiding bykomende werk vereis het," het Dikeledi Phiri, woordvoerder van die stad, in 'n verklaring gesê.

Die watertoevoer is ontwrig nadat 'n waterpypleiding tydens bouwerk by 'n nuwe waterreservoir beskadig is

Phiri het gesê sowat 35 huise in die onmiddellike omgewing van Van der Schyff- en Elizabethstraat in Wonderboom is oorstroom en eise teen die stad sal in terme van die kontrak – deur die kontrakteur se versekering – uitbetaal word.

– Volg Nuus24 op Twitter

- SAPA