Wasteman aangekla van korrupsie en bedrog
2009-11-29 23:55
Johannesburg - Wasteman, verantwoordelik vir die verwydering van mediese afval, word ondersoek op aanklagte van korrupsie en bedrog.
Die maatskappy het ook tonne mediese afval onwettiglik begrawe.
“Die ondersoek gaan oor beide die onwettige storting sowel as aanklagtes van bedrog en korrupsie binne die maatskappy,” het ‘n woordvoerder van die departement van omgewingswese gesê.
Die Green Scorpions het ‘n klopjag op Wasteman, die land se grootste afval-verwyderings maatskappy, uitgevoer.
Die klopjag het gelei tot die ontdekking van onwettige stortingsterreine in die Welkom area waar tonne mediese afval begrawe is.
- Sapa