Walviskarkas spoel in Seepunt uit
2010-11-24 11:38
Johannesburg – ‘n Walviskarkas wat besig is om te ontbind het in Seepunt uitgespoel, het die Stad Kaapstad Woensdag gesê.
Die Stad het watergebruikers wat in die Seepunt-omgewing branderplankry, surf-ski of kajak gewaarsku dat vet wat uit die karkas kom see-roofdiere na die area kan lok.
“Die Stad stel dus voor dat watergebruikers Woensdag ander dele van die see gebruik en dat hulle vir die volgende week versigtig sal wees as gevolg van die oorblywende vet van die walvis.”
Die karkas, wat naby Rocklands strand uitgespoel het, sal later Woensdag verwyder word.
“As gevolg van die moeilike ligging van die karkas, sowel as die getye, sal die karkas eers later vanoggend verwyder word,” het hulle gesê.
Volg Nuus24 op Twitter
- SAPA