Vyftien beseer toe voertuig rol
2010-08-08 15:00
Johannesburg – Vyftien mense is beseer toe ‘n minibus-taxi Sondagoggend in Umgenistraat, Durban, omgeslaan en verskeie kere gerol het.
Twee van die slagoffers het ernstige beserings opgedoen.
Volgens Netcare911-woordvoerder Jeff Wicks het die voertuig verskeie kere gerol ná dit by die Connaught-wisselaar omgeslaan het.
Die taxi het op die pad tot stilstand gekom en die insittendes kon daarin slaag om uit die voertuig te ontsnap.
Paramedici het die beseerdes op die toneel gestabiliseer en na die King Edward VIII- en Addington-hospitale laat neem vir behandeling.
Die oorsaak van die ongeluk is sover onduidelik.
Volg Nuus24 op Twitter.
- SAPA