Vyf sterf ná taxi rol
2010-07-26 02:21
Kimberley - Nege pendelaars is beseer en vier is dood toe die taxi waarin hulle gery het op die N8 tussen Kimberley en Petrusburg omgeslaan het.
Die ongeluk het omstreeks 14:00 Sondagmiddag plaasgevind ná die bestuurder beheer oor die voertuig verloor het.
Chris Botha, 'n woordvoerder van Netcare, het gesê vier mense, waaronder 'n driejarige kind, is op slag dood, drie ander, waaronder die bestuurder, is kritiek beseer en ses mense is ernstig beseer.
Na die beseerdes op die toneel gestabiliseer is, is die beseerdes na 'n hospitaal in Kimberley geneem vir verdere behandeling.
Die taxibestuurder is kort ná sy aankoms by die hospitaal dood.
– Netcare
Volg Nuus24 op Twitter