Vyf in hof ná pastoor se skietdood

2013-03-08 14:52

Kaapstad – Vyf mense wat van die moord op die Kaapse pastoor Albern Martins aangekla is, het in die hof verskyn, is Vrydag berig.

Dulin Isaacs (18), Mitchell Tallies (18), Morne Charles (20), Ruben Adams (22) en 'n minderjarige het Donderdag in die Blue Downs-landdroshof verskyn, berig die Daily Voice.

Landdros Gerald Hattingh het die saak tot volgende Donderdag uitgestel sodat borgtoginligting bekom kan word. Die vyf sal tot dan in aanhouding bly.

Martins (55) sou verlede Vrydag op onder meer dwelmverwante aanklagte in dieselfde hof verskyn, maar is voor die hof doodgeskiet.

Hy en vier ander is in Desember 2004 en Januarie 2005 in hegtenis geneem.

Martins, ’n voormalige bendelid van Blackheath, was betrokke by die Faith Chris­tian Fellowship-kerk in Belhar.

– Volg Nuus24 op Twitter

- SAPA