Vyf in hegtenis ná reeks inbrake
2010-07-08 11:13
Johannesburg – Vyf mans is in verband met ‘n reeks inbrake in Buntingville naby Mthatha in hegtenis geneem, het die Oos-Kaapse polisie Donderdag gesê.
“Gister (Woensdag) is vyf mans tussen die ouderdomme van 18 en 23 gearresteer,” het kol. Mzukisi Fatyela gesê.
Die mans is met een vuurwapen, twee rondes en ander vuurwapens sonder ammunisie gevind. Twee gesteelde televisies, dvd-spelers en cd’s is ook in hul besit gevind.
Volgens Fatyela word die gesteelde goedere met ‘n reeks inbrake in die omgewing verbind.
“Ons hoop om nog meer arrestasies binnekort te maak.”
Die verdagtes sal Donderdag in die hof verskyn.
- Volg Nuus24 op Twitter.
- SAPA