Vyf dood in trompop-botsing
2010-01-02 21:37
Johannesburg - Vyf mense is dood en vier ander is ernstig beseer in ‘n trompop-botsing buite Lichtenburg.
Een van die betrokke voertuie se band het blykbaar gebars, het Lesiba Kgwele, woordvoerder vir die provinsie se veiligheidsdepartement, gesê.
‘n Nissan Sentra het in die regterbaan ingeswaai toe sy agterste linker band bars.
Die kar het met ‘n aankomende Honda Ballade gebots.
Vier van die passasiers in die Nissan Sentra en een van die Honda se passasier is op die ongelukstoneel dood.
Drie ander passasiers in die Honda en ‘n vierde passasier van die Nissan, is na die General Delaray Hospitaal toe geneem.
- Sapa