Vyf dood in taxi-ongeluk
2010-04-02 04:52
Johannesburg – Vyf mense is Donderdag dood en elf ander beseer nadat ‘n minibustaxi en ‘n bakkie op die N3 tussen Villiers en Warden teenmekaar gebots het, het die polisie in die Vrystaat gesê.
Die taxi was onderweg vanaf Johannesburg na Durban toe een van sy motorbande omstreeks 15:30 gebars het, het sers. Tshegofatso Modise gesê.
Die taxi het in die baan vir aankomende verkeer geswaai en teen die bakkie gebots.
Die drie mans en twee vroue wat gesterf het, en elf mense wat beseer is, was almal passasiers in die minibustaxi. Die bestuurder van die taxi was ook onder die beseerdes.
Die bestuurder van die bakkie, wie alleen in die voertuig was, het geringe beserings opgedoen.
Die polisie ondersoek 'n saak van manslag.
- Sapa
Police were investigating a case of culpable homicide.