Vyf beseer in bende-skietery
2010-01-04 21:18
Johannesburg - Twee minderjariges en drie volwassenes is geskiet in ’n bende-verwante voorval die naweek, het die Wes-Kaapse polisie Maandag gesê.
Volgens kapt. Nomathemba Muavha, die Mfuleni-polisiewoordvoerder, het twee lede van die “26”-bende Vrydag die huis van ’n lid van die “28”-bende besoek.
“’n 17-jarige seun is in die bors geskiet, ’n 15-jarige meisie wat buite die huis was is agter die oor geskiet en ’n vrou is in die been geskiet,” het Muavha gesê.
Die bende is toe na Kabegastraat, waar hulle ’n man, vermoedelik ’n vriend van die “28”-bende, in die rug geskiet het.
“’n 60-jarige man is in die regterbeen getref deur ’n dwaalkoeël”.
Die gewapende mans het in die rigting van die R300-hoofweg gehardloop, waar hulle in die huis van een van die bendelede skuiling gaan soek het.
Inwoners van die gebied het die polisie hiervan in kennis gestel.
Twee verdagtes tussen die ouderdom van 20 en 25 is in hegtenis geneem en word van poging tot moord aangekla.
Na verwagting sou hulle Maandag in die Blue Downs-landdroshof verskyn het.
-Sapa