Vyf bankrowers sterf in koeëlreën
2010-03-24 21:34
Johannesburg – Vyf van sewe mans wat ‘n bank in Kwadwesi naby Port Elizabeth beroof het, het Woensdag in ‘n skietery met die Oos-Kaapse polisie gesterf.
Die polisie het ongeveer 13:00 by die Absa-tak in die Siyabunga winkelsentrum gearriveer, toe die sewe rowers besig was om weg te kom, het insp. Precious Timla gesê.
Tydens ‘n skietery in die parkeerterrein, het die polisie een van die mans beseer en ‘n ander een in hegtenis geneem. Die beseerde man is na die Livinstone-hospitaal geneem onder streng polisiebewaking.
Die polisie het ‘n geldsak en twee vuurwapens teruggevind.
Vyf gewapende mans het die toneel in ‘n Isuzu bakkie verlaat. Die verdagtes het op die polisie begin skiet, waarna die polisie teruggeskiet het.
Al vyf die verdagtes in die bakkie het gesterf.
‘n Tweede geldsak en vyf vuurwapens was in die bakkie gevind.
Die polisie het vasgestel dat die bakkie in KwaDwesi gekaap was.
Die twee oorlewende gewapende mans sal van poging tot moord, gewapende roof en motordiefstal aangekla word.
- Sapa