Vuurwerke tref passasier agter op bakkie
2012-01-01 15:50
Johannesburg – Drie mense is in Bloemfontein beseer toe ‘n bakkie ‘n lamppaal getref het nadat ‘n passasier deur vuurwerke langs die pad getref is, het paramedici Sondag gesê.
Die bakkie het kort voor middernag Saterdag by Pellissierstraat afgery toe dit verby ‘n groep feesgangers langs die pad verby gery het, het Jeffrey Wicks van Netcare 911 gesê.
Die groep het glo vuurwerke aangesteek en dit het een van die twee passasiers agter op die bakkie getref. Die bestuurder van die bakkie het gevolglik beheer verloor en in die lamppaal vasgery.
Die bestuurder en die voorste passasier is ernstig beseer. Die persoon wat deur die vuurwerke getref is, is vir ligte brandwonde behandel.
Die beseerdes is na ‘n hospitaal geneem vir behandeling, het Wicks gesê.
In ‘n aparte voorval is 16 mense beseer toe ‘n taxi naby Margate omgeslaan het. Agt mense is ernstig beseer.
In Pretoria is vyf mense ernstig beseer toe twee motors op Hans Strydom-rylaan en Disselboomstraat gebots het.
In nog ‘n voorval is ‘n man dood en nog een kritiek beseer toe hul motor op die Rietspruit-pad in Kosmosdal gerol het.
– Volg Nuus24 op Twitter
- SAPA