Vrystaat-boer van moord aangekla
2011-01-14 12:25
Bloemfontein – 'n Boer van die Vrystaat wat glo 'n man van Lesotho in Januarie verlede jaar geskiet het tydens 'n argument oor vee wat onwettig op sy plaas wei, sal aangekla word van moord, het die polisie Vrydag gesê.
Gauta Mofokeng (68) van Fouriesburg is vroeër vandeesweek in hegtenis geneem nadat die direkteur van openbare vervolging (DOV) opdrag gegee het dat hy van moord aangekla moet word, het sers. Sergeant Mmako Mophiring, woordvoerder van die polisie in die Vrystaat, gesê.
Mofokeng het in die hof verskyn en is op borgtog van R1500 vrygelaat.
Die saak sal na verwagting op 27 Januarie na die Bethlehem-streekhof verwys word.
Die polisie het gesê hulle het gesukkel om verklarings van Lesotho te kry weens prosedures wat albei lande moes volg.
Nadat die verklarings bekom is, is die saak na die DOV verwys vir 'n beslissing.
In Januarie 2010 het vee van Lesotho na die Caledon-rivier oorgeloop en op Mofokeng se plaas, Vreugde, gewei.
Die burgerlikes van Lesotho van die Dikgahleng-dorp in die Butha-Buthe-distrik het 'n rivier oorgesteek om hul vee gaan haal, waarna hulle die boer ontmoet en 'n argument ontstaan het.
Een van die mans het toe na bewering die 68-jarige boer op sy kop geslaan met 'n stok.
Mofokeng het na sy huis gegaan om 'n vuurwapen te gaan haal en die man in sy borskas geskiet.
Die twee ander het toe die gewonde man gevat en na die rivier gehardloop. Hy is dood voordat hulle die rivier kon oorsteek.
Volg Nuus24 op Twitter
- SAPA