Vroueliga steeds agter Zuma

2012-10-06 11:02

Johannesburg – Dit wil voorkom of die meerderheid lede van die ANC-vroueliga Jacob Zuma steeds as die party se president verkies, het die organisasie Saterdag gesê.

"Daar is konsensus onder sewe van die nege provinsies wat kontinuïteit binne die organisasie voorstaan, en dus kameraad Jacob Zuma vir die posisie van president ondersteun," het Troy Martens, 'n woordvoerder, gesê.

Sy het gesê dié neiging is Vrydag opgemerk by 'n vergadering van die nasionale uitvoerende komitee van die ANC-vroueliga in Boksburg.

Angie Motshekga, president van die liga, het lede van oor die land heen onlangs toegespreek.

Die lede wat Zuma in die posisie van ANC-president ondersteun wil ook hê Kgalema Motlanthe moet aanbly as adjunkpresident, en hulle verkies Gwede Mantashe as sekretaris-generaal.

Martens het gesê Gauteng wou nie 'n bydrae lewer tot die liga se aanvanklike bespreking nie omdat dié groep besig was om vir 'n provinsiale konferensie voor te berei.

"Die Limpopo-provinsie het 'n ander opinie oor wie in hierdie posisies benoem moet word."

Die amptelike benoemingslys sal nog op streeks- en provinsiale vlak bespraak word.

Die ANC verkies in Desember sy nuwe leierskap by 'n kongres in Mangaung.

– Volg Nuus24 op Twitter.

- SAPA