Vroue vas wat bordeel bestuur
2011-06-29 23:03
Johannesburg – Polisiebeamptes wat hulself as klante voorgedoen het, het Woensdag vier Chinese vroue wat ‘n bordeel in Silverton, Pretoria, bestuur het, in hegtenis geneem.
Volgens kapt. Shawane Sepato het die polisie die huis gebel nadat hulle ‘n wenk ontvang het. Die vrou het hulle toe genooi om die huis te besoek.
"Met hul aankoms by die perseel het die polisie die huis deursoek en op vyf stukke uitgedroogde perlemoen en ‘n strootjie vol kokaïen afgekom."
Die polisie het ook afgekom op ‘n man en ‘n vrou waar hulle in een van die kamers seks gehad het.
Hulle het ook R16 000 in ‘n motor wat in die agterplaas geparkeer was, gevind. Dié geld is na bewering deur die bordeel-onderneming gemaak. Die polisie het daarop beslag gelê.
Volgens Sepatao is drie van die vroue onwettige immigrante en het slegs een van hulle ‘n wettige verblyfpermit.
Hulle word aangekla van die besit van dwelms en prostitusie.
- Volg Nuus24 op Twitter
- SAPA