Vroue vas ná hul tjek by skool steel
2010-07-29 16:26
Johannesburg – Twee vroue van Soweto is Donderdag in hegtenis geneem nadat hulle glo ‘n tjek ter waarde van R6 000 by ‘n skool gesteel en vir kontant ingeruil het, het die polisie gesê.
Een van hulle was ‘n lid van die skool se beheerliggaam, het ao. Kay Makubela gesê.
Die vrou het die tjek glo by die skool gesien en dit gesteel.
Sy het dit toe vir haar buurvrou gegee wat na ‘n bank gegaan het om dit vir kontant in te ruil, het Makubela gesê.
Toe die skoolhoof nie die tjek kon vind nie, het hy bank toe gegaan om ondersoek in te stel.
Hy kon toe uitvind wie die tjek ingeruil het.
Beide vroue is vir diefstal in hegtenis geneem.
Die twee vroue, onderskeidelik 36 en 39 jaar oud, sal Vrydag in die Protea magistraatshof verskyn.
Volg Nuus24 op Twitter.
- SAPA