Vroue spring uit trein ná rowers hulle dreig
2010-07-16 23:10
Wes-Kaap – Vier vroue het uit ‘n bewegende trein gespring nadat hulle wou wegkom van rowers in Somerset-Wes, het die Wes-Kaapse polisie Vrydag gesê.
Volgens konst. Suzan Jantjies het die rowers hulle Donderdagaand omstreeks 19:30 by Firgrove-stasie met ‘n bierbottel gedreig.
Die rowers het hulle beveel om hul besittings te oorhandig, het sy gesê.
“Die vier vroue het uit die trein gespring net toe dit uit die stasie begin beweeg het. Die rowers het ook van die trein gespring en te voet gevlug.”
Die vier vroue, tussen die ouderdomme van 20 en 28, het almal beserings opgedoen en is na die Helderberg-hospitaal geneem.
Die rowers is intussen in hegtenis geneem.
- Volg Nuus24 op Twitter.
- SAPA