Vrou verskyn vir moord op haar man
2013-01-19 12:23
Johannesburg – 'n Verpleegster van KwaMakhutha is in hegtenis geneem ná sy betrek is by die moord op haar man, het die KwaZulu-Natalse polisie Saterdag gesê.
Drie vrou, 44, is Vrydag in hegtenis geneem. Haar man is in Desember 2011 dood tydens 'n inbraak en roof, het kol. Vincent Mdunge gesê.
"Drie gewapende mans het sy huis binnegegaan en R70 000 se stokvel-geld gesteel. Die verdagtes het hom in sy Toyota Yaris na die Obivane-rivier geneem, waar hulle hom doodgeskiet het," het Mdunge gesê.
Die voertuig is verlate gevind, en 'n ondersoek het gelei tot die inhegtenisneming van twee mans in Februarie 2012.
'n Vrou, 28, het kort ná die mans aangekeer is, die ondersoekbeampte genader en gesê die derde man wat met die moord verbind word, is haar broer.
Sy het die beampte R30 000 aangebied om die dossier te steel.
Die vrou en haar broer is in hegtenis geneem.
Die polisie het ná 'n verdere ondersoek begin vermoed die vrou is agter haar man se dood.
"Sy het glo drie huurmoordenaars betaal om dit namens haar te doen en gesê hulle moet dit soos 'n huisroof laat lyk en die stokvel-geld steel," het Mdunge gesê.
Die vrou sal na verwagting binnekort in die hof verskyn.
– Volg Nuus24 op Twitter.
- SAPA
