Vrou verdrink glo baba in emmer
2010-07-08 20:26
Johannesburg – ‘n Vrou is in hegtenis geneem nadat haar buurvrou glo gesien het hoe sy haar pasgebore baba in ‘n emmer vol water verdrink het, het die Ekurhuleni-polisie gesê.
“Die 26-jarige verdagte se buurvrou in Ivory Park het glo Woensdagoggend omstreeks 04:00 wakker geword nadat sy ‘n baba aanhoudend hoor huil het,” het konst. Neldah Hlase, polisiewoordvoerder, gesê.
“Die buurvou het na buite gegaan en gesien hoe die verdagte ‘n emmer dra met die dooie baba daarbinne. Die baba se kop was onder water.”
Die polisie is dadelik ontbied en die vrou is onder polisie-bewaking na die Tembisa-hospitaal geneem.
Sy is aangekla van moord nadat sy uit die hospitaal ontslaan is.
Volg Nuus24 op Twitter.
- SAPA