Vrou vas vir moord op polisieman

2013-01-22 16:21

Johannesburg – ‘n Vrou wat daarvan aangekla word dat sy ‘n polisiebeampte in Pretoria vermoor het, sal Woensdag in die stad se landdroshof verskyn.

Lt.kol. Lungelo Dlamini sê die 26-jarige verdagte sou Dinsdag haar plek in die beskuldigdebank inneem, maar die saak is tot Woensdag uitgestel. Die rede vir die uitstel is onbekend.

Volgens die polisie is die vrou Maandagoggend in Estcourt, KwaZulu-Natal, vasgetrek.

Maj. Abram Tselana (45) is laas op 31 Desember in die middestad gesien, toe hy R23 000 by ‘n bank getrek het.

Sy lyk is vier dae later gevind.

Twee ander mense is ook in hegtenis geneem. Bheki Mhlongo en Zukisa Mablayi het reeds in die hof verskyn en sal in aanhouding bly. Hul saak is tot 1 Februarie uitgestel.

Volg Nuus24 op Twitter  

- SAPA