Vrou vas vir dagga

2012-12-18 18:02

Johannesburg – 'n Vrou is in Orange Farm in hegtenis geneem vir die besit van dagga, het die Gautengse polisie Dinsdag gesê.

Volgens kapt. Kabelo Marumo is 10 sakke dagga met 'n geraamde straatwaarde van R30 000 Maandag in 'n kamer gevind. 

Marumo sê die vrou se man het 'n klag van huishoudelike geweld by die polisie aangemeld.

Met die polisie se aankoms by hul huis het die man hulle ingelig hy vermoed sy vrou is betrokke by dwelmhandel omdat onbekende mense gereeld die huis besoek.

"Die polisie het tydens hul ondersoek by die huis 'n kamer gevind wat gesluit was. By nadere ondersoek het die polisie die 10 sakke dagga gevind," het Marumo gesê.

Die vrou sal na verwagting Woensdag in die Vereeniging-landdroshof verskyn.

– Volg Nuus24 op Twitter.
 

- SAPA