Vrou vas oor vervalste Madiba-note

2013-01-10 08:20

Johannesburg – Twee vroue is in Mthatha in die Oos-Kaap in hegtenis geneem nadat hulle na bewering met vervalste Madiba-banknote betrap is, het die polisie gesê.

Ao. Dineo Koena sê die verdagtes het skooluniforms by ‘n nabygeleë winkel gekoop sonder dat enigiemand besef dat dit vervalste banknote was.

“Hulle is by ‘n grimeerwinkel uitgevang nadat die winkeleienaar agtergekom het die geld voel anders.”

Die vroue – 29 en 39 jaar oud – het R1 600 se vervalste note in hul besit gehad.

Die 39-jarige het aan die polisie gesê sy het ‘n vriendin gevra om die geld vir haar te leen. Die vriendin het voorgestel dat hulle in die dorp bymekaar kom om inkopies te doen.
 
“Die 29-jarige het gesê sy het die vervalste geld by een van haar klante gekry, wat dagga by haar kom koop het.”

Koena sê die vroue sal binnekort in die dorp se landdroshof verskyn.

Volg Nuus24 op Twitter

- SAPA