Vrou sterf toe sy in brandende huis vasgekeer raak

2013-02-21 18:00

(Chris Botha, Netcare 911)

Kaapstad – ‘n Bejaarde vrou het gesterf en vier ander is beseer toe hulle in ‘n brandende huis in die Adams Mission-gebied naby Amanzimtoti aan die KwaZulu-Natalse suidkus vasgekeer geraak het, het paramedici gesê.

Chris Botha, 'n woordvoerder van Netcare 911, het in ‘n verklaring gesê een van die beseerdes het kritieke beserings opgedoen.

Hy sê die oorsaak van die brand is nog onbekend en dat die voorval ondersoek word.

Volgens die woordvoerder was die bejaarde vrou se lyk reeds verkool toe paramedici en brandbestryders by die toneel opgedaag het.

Die slagoffer se man het kritieke brandwonde opgedoen, terwyl drie ander mense daarin geslaag het om uit die brandende woning te ontsnap. Hulle het ligte brandwonde opgedoen.

Botha sê die pasiënte is op die toneel gestabiliseer en na ‘n hospitaal in die gebied geneem vir verdere behandeling.

Volg Nuus24 op Twitter  

- Nuus24