Vrou sterf in botsing
2010-01-30 14:45
Kaapstad - Een vrou is dood en sowat nege mense is beseer nadat twee motors in Firgrove in Kaapstad teen mekaar gebots het, het paramedici Saterdag gesê.
Tristan Wadeley, ’n woordvoerder van ER24 het gesê ’n vrou het omstreeks 06:30 Saterdagoggend gesterf nadat die Nissan Sentra wat sy bestuur het teen die kant van ‘n Mercedes Sprinter gebots het.
“Sowat nege insittendes wat beserings opgedoen het, is na die Vergelegen Medi-Clinic geneem vir verdere behandeling,” het Wadeley gesê.
“Een persoon wat in die Mercedes gery het, het ernstige beserings opgedoen.”
-Sapa