Vrou steeds kritiek na graaf-aanval
2010-03-24 22:30
Bloemfontein – ‘n 77-Jarige vrou wat deur vier mans met grawe aangeval was, is steeds in ‘n kritieke toestand, het ‘n gesondheidsbeampte van die Vrystaat Donderdag gesê.
Francina Van Vuuren, haar man Boet (80) wat in ‘n rolstoel is, hul twee seuns Marius (44) en Marthinus (35) asook hul neef Juan (13) was Sondagaand deur mans met grawe en messe in Jagersfontein aangeval.
Volgens Jabu Mbalula, 'n woordvoerder, is Francina steeds in die hoësorgeenheid van die hospitaal.
Daar word beweer dat Francina na die agterdeur van hul huis gegaan, nadat sy iemand hoor klop het. Sy was stomgeslaan toe vier mans by die deur instorm.
Supt. Thandi Mbambo, ‘n polisiewoordvoerder het gesê die vrou is met ‘n graaf geslaan en haar hande was vasgebind.
Die jong seun wat in ‘n ander kamer was, is aangerand voordat hy na die sitkamer geneem is waar Boet en sy twee seuns was.
Volgens die polisie het die mans geld van een van die seuns geeïs. Toe hy weier, is hy verskeie kere met die graaf op sy kop geslaan.
Die pa en die ander seun is ook verskeie kere geslaan, het Mbambo gesê.
Die pa het glo later ingegee, en geld uit die kluis gaan haal.
Die mans het weggekom met ‘n 2.2 geweer, ses selfone, ‘n digitale kamera en R38 000 in kontant.
Niemand is tot dusver in verband met die voorvalle in hegtenis geneem nie.
- Sapa