Vrou op plaas buite George doodgesteek
2011-06-13 19:11
Johannesburg – ‘n Vrou se lyk is Maandag in die huis wat sy op die Laer Hoogekraal-plaas in Glentana naby George gehuur het gevind, het polisie in die Suid-Kaap gesê.
Volgens kapt. Malcolm Pojie het die eienaars van die huis die lyk van die 59-jarige Martie Grobler om 08:00 in die kamer gevind.
Haar lyk het verskeie steekwonde gehad.
“Die motief is nog onbekend. Die moontlikheid dat die slagoffer se selfoon tydens die voorval gesteel is, maak deel uit van die ondersoek. Ons kyk na alle moontlikhede,” het hy gesê.
Grobler is Vrydagaand laas deur die eienaars van die plaas gesien, het Pojie gesê.
Hulle is in kennis gestel deur vriende in Grobler se saamry-klub toe sy nie Maandagoggend opgedaag het om hulle op te laai vir werk nie.
Volg Nuus24 op Twitter
- SAPA