Vrou ook vas ná aanval op verkeersbeampte

2011-03-07 13:36

Kaapstad – 'n 33-jarige vrou is ook nou in hegtenis geneem nadat 'n 52-jarige man aangekeer is in verband met die aanranding op 'n verkeersbeampte op Laingsburg in die Karoo.

Die polisie sê die vrou het die verkeersbeampte weggedruk toe hy die naweek haar metgesel in hegtenis wou neem omdat hy na bewering onder die invloed van drank bestuur het.

Die man het die verkeersbeampte met die bofbalkolf aangerand en gevlug. Hy is later in hegtenis geneem.

Die vrou het haar Maandagoggend aan die polisie oorgegee.

– RSG

Volg Nuus24 op Twitter