Vrou laat kêrel toe om ma te vermoor
2011-09-16 17:01
Durban – ‘n Vrou van Durban het erken dat sy haar kêrel
toegelaat het om haar ma te vermoor.
Astrid Tavira het in die Hooggeregshof in
Durban erken dat sy haar kêrel, Waleed Karriem, toegelaat het om Freda Tavira
te vermoor vir haar lewensversekering.
Karriem het in ‘n gesprek met sy vriendin vir haar oortuig dat dit die beste
manier is om hul skuld af te betaal.
Na dié gesprek, het sy hom “vaarwel gesoen,”
het sy in die hof gesê.
Karriem het vroeër in die hof erken dat hy die
50-jarige Freda Tavira op 23 Augustus by
haar huis in Newlands-Oos naby Durban verkrag, gesodomiseer en doodgemaak het.
Karriem (34) is in 1999 skuldig bevind aan
verkragting en is ‘n tronkvonnis van 15 jaar opgelê.
Hy is egter na 15 jaar agter tralies op parool vrygelaat.
Astrid Tavira se aansoek om borgtog sal 22
September gefinaliseer word, maar die staat het die borgaansoek teengestaan.
Haar lewe is moontlik in gevaar en Astrid
Tavira het nêrens om heen te gaan nie.
Sy het ná die moord haar ma se huis afgebrand.
Volg Nuus24 op Twitter.
- SAPA