Vrou in ‘liefdesdriehoek’ vermoor
2010-09-23 14:00
Durban – ‘n Vrou is glo deur ‘n ander vrou doodgesteek wat ook met haar kêrel in ‘n verhouding was, het die KwaZulu-Natalse polisie Donderdag gesê.
Die voorval het in eMbalenhle in Pietermaritzburg plaasgevind.
Volgens ao. Joey Jeevan het die polisie Woensdag ‘n verslag ontvang dat ‘n vrou aangeval en op pad na ‘n kliniek dood is.
Toe die polisie by die kliniek opdaag, het hulle die lyk van ‘n 21-jarige vrou gekry met drie steekwonde in haar rug.
Sy is later as Thandeka Nompilo Funda geïdentifiseer, het Jeevan gesê.
Polisie vermoed dat Funda Woensdagaand saam met haar kêrel Simphiwe Mbanjwa (30) by sy huis in Willowfontein was.
Volgens Jeevan het ‘n ander vrou na die huis toe gegaan en glo vir Funda begin beskuldig.
Dit twee het toe in ‘n oor-en-weer stryery betrokke geraak.
Mbanjwa het glo ingemeng en daarop aangedring dat beide vroue sy huis verlaat.
Funda het die ander vrou buite die huis gekonfronteer en daarna na bewering die vrou talle kere in haar rug gesteek, het Jeevan gesê.
Die vrou het glo terug baklei en na bewering vir Funda ook gesteek.
Beide is na die eMbalenhle Clinic geneem waar Funda dood verklaar is, het Jeevan gesê.
Die ander 22-jarige vrou is in hegtenis geneem en sal eersdaags in die landdroshof in Pietermaritzburg verskyn.
Volg Nuus24 op Twitter.
- SAPA