Vrou in haar huis doodgeskiet
2010-02-06 11:24
Johannesburg - ’n Vrou in haar laat veertigerjare is in haar huis in Hillcrest gedurende ’n rooftog doodgeskiet, het die KwaZulu-Natalse paramedici Saterdag gesê.
Derrick Banks, ‘n ER24-woordvoerder het gesê die paramedici het Vrydag by haar huis opgedaag en haar liggaam onder ’n kombers aangetref.
"Die vrou het aan ’n noodlottige skietwond gesterf.”
Die verdagtes het glo by haar huis opgedaag en geld geëis.
’n Geweerskoot het afgegaan en die verdagtes het gevlug.
Dit is op die stadium onduidelik hoeveel geld gedurende die rooftog gesteel is, het Banks gesê.
-Sapa