Vrou histeries; man nie opgespoor ná mynskietery
2012-08-20 13:30
Ga-Rankuwa – Sowat 100 vroue het by die Ga-Rankuwa-landdroshof buite Pretoria opgedaag waar meer as 250 betogers na verwagting sal verskyn by openbare geweld by die Lonmin-myn in Marikana in die Noordwes.
Nombulelo Jali (37), een van die vroue, het histeries gehuil. Sy sê die polisie weet nie wat met haar man, Themba Khalo Jali (40), gebeur het nie.
Mev. Jali sê haar man is Donderdag in hegtenis geneem.
Die polisie het Donderdag op duisende werkers wat wapens gedra het, begin skiet terwyl hulle vanaf ‘n nabygeleë koppie, waar hulle dae lank bymekaar gekom het, gehardloop het.
Altesaam 34 werkers is doodgeskiet en meer as 70 mense het beserings opgedoen. Altesaam 259 stakende mynwerkers is aangekeer.
“Ek het al die pad van Harding in KwaZulu-Natal gekom, maar ons kan hom nie vind nie. Ons het oral gesoek en ons kan hom nie opspoor nie. Die polisie het hom gevat,” het mev. Jali gesê.
Polisiebeamptes het die groep vroue genader en hulle gevra om die hofperseel te verlaat.
Sommige polisiebeamptes het helms aangehad en skilde en knuppels vasgehou.
Volg Nuus24 op Twitter
- SAPA
