Vrou doodgery toe sy kat probeer red

2013-02-23 15:00

Pietermaritzburg – 'n Vrou is in Pietermaritzburg doodgery toe 'n motor haar getref het terwyl sy 'n kat, wat ook raakgery is, probeer red het.

'n Woordvoerder vir Netcare911, Chris Botha, het gesê sê die voorval het Saterdag by die kruising van Mayors Walk- en Winstonweg in Pietermaritzburg plaasgevind.

“Die 48-jarige vrou, wie se naam nog nie bekend gemaak kan word nie, is deur 'n voertuig raakgery toe sy in die kruising ingehardloop het om die kat te probeer red. Die vrou het kritieke beserings opgedoen en is op die toneel dood verklaar,” het Botha gesê.

Die kat het ook nie die ongeluk oorleef nie.

Volg Nuus24 op Twitter.

- SAPA