Vrou dood in huis gevind
2011-06-05 22:06
Johannesburg - ‘n Agt-en-veertigjarige vrou is dood gevind in haar sinkhuis in Mofolo Noord, Soweto, met ‘n wond aan haar kop, het die polisie in Gauteng Sondag gesê.
Volgens ao. Kay Makhubela het lede van haar familie Sondag op haar afgekom.
“Sy is Vrydag laas gesien, saam met haar kêrel. Haar familielede het Saterdagnag by haar ingeloer, maar het gedink sy slaap en het haar gelos,” het hy gesê.
“Toe hulle weer by haar ingegaan het, het hulle gevind dat sy ‘n wond aan haar regteroog gehad het. Dit wil voorkom of sy met ‘n voorwerp geslaan is.”
Die ondersoek duur voort.
- Volg Nuus24 op Twitter
- SAPA