Vrou brand plakkershut af, beseer kêrel
2010-10-03 19:00
Johannesburg - 'n Jaloerse vrou het na bewering 'n brand begin wat haar kêrel
beseer het en 300 mense in 'n Johannesburgse informele nedersetting dakloos
gelaat het.
Die vrou het glo parafien oor haar 28-jarige kêrel se
plakkershut gegooi en dit aan die brand gesteek, het adjudantoffisier Moses
Maphakela gesê.
Sy het hom glo daarvan beskuldig dat hy 'n verhouding met 'n
ander vrou het.
"Ons het 'n saak van brandstigting geopen. Die verdagte
sal in hegtenis geneem word."
Die man is na die Edenvale hospitaal geneem.
- SAPA