Vrou, baba verdrink
2010-12-14 16:44
Johannesburg – Twee mense, waarvan een ‘n sewe maande oue baba is, het naby Butterworth verdrink, het polisie in die Oos-Kaap gesê.
In die eerste voorval het ‘n babaoppasser Maandag ‘n baba in die bed gesit en in die tuin gaan werk.
Die kind het uit die huis gekruip en in ‘n gat wat met water gevul was verdrink.
“Daar word vermoed dat die baba wakker geword en uitgekruip het na die area met water waar sy verdrink het,” aldus 'n polisiewoordvoerder.
‘n Sewejarige meisie het op die lyk afgekom.
In die tweede voorval wat ook Maandag plaasgevind het, het ‘n 38-jarige vrou probeer om haar kind te red wat besig was om by Mazzepa-baai in Kentani te verdrink.
Volgens die polisie het die vrou haar kind gered, maar die branders was te veel vir haar en sy het gesterf.
Polisie ondersoek beide voorvalle.
Volg Nuus24 op Twitter
- SAPA