Vrou (90) sterf in pensioen-ry

2013-01-23 15:19

Johannesburg – 'n Negentigjarige vrou het gesterf terwyl sy in Chosen Village in die Noordwes gewag het om te herregistreer vir haar pensioentoelaag, het die departement van maatskaplike ontwikkeling Woensdag gesê.

Die vrou was in 'n ry buite die Suid-Afrikaanse Agentskap vir Maatskaplike Welsyn (Sassa) se kantoor toe 'n beampte oplet dat iets nie pluis is nie. Die beampte het die vrou se seun in kennis gestel het, het  Lumka Oliphant, woordvoerder, gesê.

Hy het toe besef sy ma haal nie asem nie. Die polisie en paramedici is ontbied en die vrou is op die toneel dood verklaar.

Sassa het in April verlede jaar begin om alle toelaag-begunstigdes te registreer in 'n poging om bedrog in die stelsel uit te roei.

Oliphant het gesê bejaarde begunstigdes hoef nie by Sassa se kantore te herregistreer nie. Sy het gesê bejaardes sal by hul huise herregistreer word en ouer mense en hul families wat nie geherregistreer is nie, sal steeds die toelaag ontvang.
     
– Volg Nuus24 op Twitter

- SAPA